سفارة معرفة لمكتبة الاسكندرية داخل جامعة جنوب الوادى بقنا

الخميس 31 مارس 2016
أخر تحديث : الخميس 31 مارس 2016 - 7:09 مساءً
سفارة معرفة لمكتبة الاسكندرية داخل جامعة جنوب الوادى بقنا

صرح علمى متميز بجامعة جنوب الوادى وبها 16 جهاز كمبيوتر بالمكتبة ويمكن من خلالهم الوصول الى 380 الف كتاب الكترونى من المكتبة بالاضافة الى احدث الدوريات العلمية المتخصص
وقواعد بيانات الكتب والابحاث العلمية فى تقريبا كل المجالات
وكله #مجانا
بالاضافة الى خدمات ورش العمل العلمية والمحاضرات الدورية المجانية
وهذة بعض الاجابات عن اسئلة قد تدور فى ذهنك عن المكتبة نقلا عن الصفحة الرسمية للمكتبة
السفارة ليه ؟
ممكن أستفيد منها ازاى ؟
مكانها فين ؟

كل الأسئلة دى بتدور ف أذهاننا ومحتاجين إجابة ليها وإجابتها هتكون فى البوست ده
الأول السفارة ليه ؟
السفارة ببساطة فرع لمكتبة الأسكندرية ف جامعة جنوب الوادى علشان تخدم الطلاب والباحثين فى الجامعة اللى محتاجين يستفيدوا من الخدمات اللى بتقدمها المكتبة بس مشكلة السفر عائق كبير بالنسبالهم المكتبة حلت المشكلة دى بإنشائها لسفارة المعرفة بجامعة جنوب الوادى .

ممكن نستفيد ازاى ؟
الخدمات اللى بتقدمها سفارة المعرفة كتير وفرصة بالنسبالنا جت لحد عندنا منها :
1- الحصول على الكتب من خلال البحث على (مستودع الأصول الرقمية dar ) والذى يعد أكبر مستودع للكتب الالكترونية العربية .
2- امكانية البحث فى قواعد البيانات التى تحتوى على عدد كبير جدا من الكتب والدوريات والرسائل العلمية مثل ( ProQust – AlManhal – E.Marefa)
3- تنظيم الندوات وورش العمل فى كافة العلوم والتخصصات .
وخدمات تانية كتير ممكن نحصل عليها من خلال مقر سفارة المعرفة بالجامعة

مكانها فين ؟
مقر السفارة فى جامعة جنوب الوادى – مبنى الإدارة المركزية الجديد – الدور الأول

ملحوظة
كل خدمات سفارة المعرفة مجانية ودة رابط المكتبة

https://www.facebook.com/EOK.SVU/

رابط مختصر